LINGUA GALEGA 1/04/20

Bos días, alumnos e alumnas de sexto!

Lembrade que hai que adicar o tempo de lectura a facer as actividades sobre Os gritos das Illas lobeiras ou Os horizontes de Adar.

1. Imos comezar botando unha ollada ás preguntas sobre a lectura Un cangrexo inconformista. Premede aquí.

2. Agora, ides crear unha noticia falsa. 

Imos paso a paso. Primeiro de todo, parádevos a pensar a temática da vosa noticia falsa; adiante coa vosa imaxinación! Despois cubride a planificación sobre a vosa noticia (ideas principais).

3. Unha vez realizada a planificación, a redactar! Lembrade que podedes engadir máis detalles e usade distintos signos de puntuación (non podemos quedar sen aire ao ler a noticia).

4. Revisade que a noticia responde a todas as preguntas e que se entende ben. Unha idea para saber se se comprende ben a información é lerlla a alguén que teñades preto de vós.

⇒ Podedes facer esta actividade na libreta de lingua ou en soporte dixital; neste último caso lembrade gardar a vosa noticia nun pendrive para despois poder compartir a vosa creación na clase. Ademais, quen poida e queira, pode mandar a súa noticia ao correo profesfleming@gmail.com indicando a que mestra vai dirixido.